Komuna e Kaçanikut e ka shpallur të mërkurën ditë zie në këtë komunë në shenjë nderimi për policët e vdekur në një aksident, Malsor Dashi dhe Armend Trena.
Në vendimin e kësaj komune thuhet se të gjitha angazhime institucionale në këtë komunë pezullohen të mërkurën, më 09 maj 2018.
Policët Armend Trena dhe Malsor Dashi kishin rënë më 28 prill në lumin Lepenc, teksa po udhëtonin me veturën zyrtare në magjistralen Hani i Elezit-Kaçanikut. Trupi i Malsor Dashit ishte gjetur para 5 ditësh, ndërsa trupi i Armend Trenës u gjet të hënën pasdite. /Telegrafi/
