Shtabi Emergjent dhe ekipi profesional i Komunës së Ferizajt, i krijuar për përballimin e pandemisë së coronavirusit, ka apeluar tek të gjithë qytetarët ferizajas e të tjerë, të ardhur nga shtetet europiane e të tjera në Ferizaj me theks të veçantë të ardhurit nga Italia, Zvicra, Gjermania, Anglia dhe Franca dhe vendet e tjera nga datat 1 deri më 10 mars, të vetizolohen për së paku 14 ditë.
Ata poashtu kanë apeluar të ndalojnë krejtësisht vizitat familjare tek njëri-tjetri, që të pamundësohet shpërndarja e këtij virusi.
“Njëkohësisht, edhe ekipeve profesionale mjekësore që vizitojnë këto familje, këta qytetarë, i kërkohet të urdhërojnë vetizolimin e këtyre rasteve sipas masave mbrojtëse kundër COVID-1”, thuhet në njoftim.
Në komunën e Ferizajt deri tash nuk është regjistruar asnjë person i prekur me coronavirus. /Telegrafi/
