Telegrafi

Kompletohet “Final Four” në Ligën e Kombeve: Kur luhen gjysmëfinalet dhe finalja

Driton Gajraku

Italia do të përballet me Spanjën, Holandën dhe Kroacinë në finalet e katër finaleve të Ligës së Kombeve në qershor të vitit 2023, pasi Alvaro Morata vulosi një fitore të vonë ndaj Portugalisë.

Skuadra e fundit u konfirmua pas ndeshjes ballë për ballë të mbrëmjes së djeshme mes Portugalisë dhe Spanjës për në krye të Grupit 2.

Portugalia hyri duke ditur se një barazim do të mjaftonte për të siguruar vendin e parë, ndërsa Spanjës i duhej një fitore për t’i kapërcyer dhe për të arritur në fazën tjetër të turneut.

Po shkonte drejt një barazimi 0-0 deri në minutën e 88-të, kur Nico Williams lëshoi topin te Dani Carvajal në hapësirën e gjashtë metërve, në mënyrë që ish-sulmuesi i Juventusit, Morata, të futej dhe t’i jepte fitoren Spanjës.

Cristiano Ronaldo për pak sa nuk barazoi në kohën shtesë, por Unai Simon bëri një pritje sensacionale.

Vendi nuk është konfirmuar zyrtarisht, por UEFA pritet ta caktojë atë në Holandë.

“Final Four” do të ketë dy gjysmëfinale të luajtura më 14 dhe 15 qershor 2023.

Më pas, fituesit do të përballen në finale më 18 qershor.

Më herët në të njëjtën ditë, dy skuadrat humbëse do të luajnë me njëri-tjetrin për të vendosur se kush do të marrë vendin e tretë.

Do të hidhet shorti për të parë se cilat skuadra do të përballen ballë për ballë në gjysmëfinale.

Franca fitoi Ligën e Kombeve në vitin 2021, ndërsa Portugalia mori trofeun inaugurues në vitin 2019. /Telegrafi/