Për herë të parë gjuhën shqipe mund ta lexosh dhe ajo të shkruhet automatikisht në kompjuter.
Mund të jeni të mësuar me “voice-to-text” nga anglishtja, si “Alexa” apo “Google Home”, por kësaj radhe kjo është realizuar edhe për gjuhën shqipe dhe është një punë voluminoze e Betim Drenicës, një inxhinieri informatik nga Prishtina, dhe grupit të tij të punës.
Nëse kjo ju duket diçka e thjeshtë, gaboheni.
Qëllimi i Betimit ka qenë që ta bëjë shqipen miqësore dhe të kuptueshme nga kompjuterat.
Sot në botë ndërveprimi zanor me kompjuterat është diçka e zakonshme, por asnjë makineri nuk e njeh dhe nuk e proceson gjuhën shqipe.
Betimi ishte një nga finalistët e ICT Awards të para pak ditëve, në kategorinë e Inovacionit të Vitit. /tch/
