Njihuni me Kate, një kompani franceze që dëshiron të krijojë një makinë të vogël që mund ta përdorni për udhëtimet tuaja të përditshme dhe për punë të ndryshme.
Përveç CEO-s Matthias Goldenberg dhe CTO-s, Pierre Escrieut, Kate gjithashtu është bashkë-themeluar nga Thibaud Elziere, sipërmarrësi serial pas Hexa-s, studio startup e njohur më parë si eFounders.
Ndonëse Kate është në thelb një prodhues makinash, nuk dëshiron të prodhojë SUV të mëdha me sisteme të sofistikuara argëtimi, transmeton Telegrafi.
Kompania dëshiron të ndryshojë lëvizshmërinë duke prodhuar makinën elektrike më minimaliste të mundshme.
Në vend që të nisë me automjetin, Kate po fillon me rastin e përdorimit.
“Ne duam t’ua shesim këtë njerëzve që kanë vërtet nevojë për një automjet, njerëzve që jetojnë në periferi, në qytete të mesme apo edhe në fshat”, tha Goldenberg. /Telegrafi/