Kompania e Mike Tyson, ‘SwissX’ shpreson të sigurojë të drejtat e emrit të stadiumit të Barcelonës, “Camp Nou”, ka bërë të ditur partneri i biznesit i ish-kampionit të boksit.
Klubi katalunas njoftoi javën e kaluar se ata do të shesin të drejtën e emrit të stadiumit për sezonin 2020/21 dhe do të dhurojnë të ardhurat për të ndihmuar luftën kundër coronavirus.
Partineri i biznesit, Alki David ka thënë për BBC Sport se kompania që shet kanabis dëshiron të bëjë një ofertë për të blerë emrin e stadiumit.
“Një stadium i shkëlqyeshëm. Është diçka që ne veçanërisht kërkojmë të përvetësojmë në kompaninë tonë dhe u duk si një ide e mahnitshme”, ka thënë ai.
“Ndërmarrja ime është një kompani kanabisi dhe Spanja ka një traditë të gjatë në Bashkimin Evropian si lider ose liberal në rrugën drejt legalizimit, kështu që ajo evoluon krejtësisht natyrshëm”, ka thënë më tej David.
Me tej ai bëri të ditur se nëse e fitojnë tenderin, atëherë do të kërkojnë që biznesi i tyre të shesë substancat e tyre brenda lokaleve të stadiumit. /Telegrafi/