Kompania bioteknike amerikane ‘Moderna’, ka njoftuar se deri në fund të vitit do të prodhojë 20 milionë doza të vaksinës eksperimentale kundër coronavirusit.
Sipas medieve të huaja, përcjell Telegrafi, njoftimi i bërë pas aplikimit tek rregullatorët e tregjeve në SHBA, vjen pasi shefi ekzekutiv i Modernas, Spehane Bancel, pati njoftuar se kompania planifikon të kërkojë autorizim emergjent për aplikimin e vaksinës tek grupet të cilat gjenden në rrezik të lartë për jetë.
Përdorimi i vaksinës do të zbatohet tek këta pacientë në rast të se ajo rezulton të paktën 70 për qind efektive.
Moderna e cila nuk ka sjellë asnjëherë në treg ndonjë vaksinë, i ka marrë gati 1 miliard dollarë nga qeveria amerikane, në kuadër të programit Operation Warp Speed, kompania ka arritur gjithashtu një marrëveshje furnizimi prej 1.5 miliard dollarësh me SHBA-në. /Telegrafi/