Në Ministrinë e Financave sot u mbajt takimi i radhës i Komitetit për Partneritet Publiko Privat.
Ministri i Financave Avdullah Hoti para anëtarëve tjerë të Komitetit theksoi se takimi i sotëm është i një rëndësie të veçantë për arsye se do të miratojmë projekt-propozimin nga Kuvendi Komunal i Prizrenit për “Tregjet e Qytetit të Prizrenit”.
Kjo përkon edhe me Programin e Qeverisë në avancimin e Partneritetit Publiko Privat si domosdoshmëri për zhvillimin e vendit dhe hapjen e vendeve të reja të punës.
Gjatë takimit Njësia për Partneritet Publiko Privat prezantoi Strategjinë e PPP-së dhe projekt-propozimin për PPP-në nga Kuvendi Komunal i Prizrenit për “Tregjet e Qytetit të Prizrenit”, ky projekt miratua nga Komiteti ndërministror i Partneritetit Publiko Privat.
Përfaqësuesit e njësisë së PPP-së gjithashtu në këtë takim prezantuan edhe projektet të cilat janë duke u implementuar si dhe ato të cilat presin që në një të ardhme të afërt të implementohen duke u bazuar në Ligjin për PPP-në. /Telegrafi/