Në vitin 2015 janë Komisioni shtetëror për parandalimin e korrupsionit (KShPK) ka formuar 124 lëndë pas paraqitjes për ekzistim të elementeve për korrupsion nga ana e qytetarëve, personave juridik dhe lëndë të formuara me iniciativë të vetë Komisionit, transmeton Telegrafi Maqedoni.
Zëdhënësja e KShPK, Antonija Andonova Tasevska sot ka informuar për Raportin e Komisionit për vitin e kaluar duke theksuar se në dy lëndë Komisioni ka vendosur të ngrit iniciativë deri te Prokuroria publike për procedim për ndjekje penale të dy funksionarëve të zgjedhur ose të emëruar, personave zyrtar ose personave përgjegjës në ndërmarrje publike, ndërsa në dy lëndë KShPK ka vendosur të ngrit iniciativë para organit kompetent për shkarkim të personit përgjegjës.
Në vitin 2015 Komisioni ka pranuar ka 437 deklarata për interes, nga të cilët 68 prej deklaratave për interes janë nga persona zyrtarë të cilët autorizimet e tyre i kryejnë në sferën e vetëqeverisjes lokale, 34 nga gjyqësia dhe 335 deklarata nga persona zyrtar në organet e pushtetit. Te 39 persona zyrtarë Komisioni ka konstatuar veprim në kundërshtim me dispozitat e Ligjit për parandalim të konfliktit të interesit dhe nga to është kërkuar ta mënjanojnë shkeljen e konstatuar. Procedimi ka përfunduar në 13 raste, ndërsa të tjerët janë në vijim.
Përndryshe vitin e kaluar u miratuan ndryshime dhe plotësime të Ligjit për parandalim të korrupsionit me të cilët krijohet regjistër i personave të zgjedhur dhe të emëruar./Telegrafi/