Kryetari i Komisionit, deputeti demokrat Eduard Halimi konfirmoi se do t’i kërkohet informacion Prokurorisë, SHISH-it, Policisë dhe Gardës për të dhënë informacione për 21 janarin. Halimi tha se policisë do t’i kërkohet informacion për masat që janë marrë para dhe gjatë demonstratës.
Ai tha se do të kërkohet informacion edhe nëse policia ka dorëzuar në Prokurori dokumente për veprat penale për pjesëmarrje dhe veprime të dhunshme.
Nga SHISH do të kërkohet informacion lidhur me informacionet paraprake të këtij institucioni lidhur me veprimet e dhunshme në demonstratë. /Telegrafi/