Qeveria e RM-së mbrëmë vonë në mbledhje e shqyrtoi dhe e miratoi Informatën për motin e lig më 20 korrik 2017 si dhe dëmet e shkaktuara të kulturave bujqësore në rajonin e Resnjës dhe të Tetovës, përcjell Telegrafi Maqedoni.
Siç informoi shërbimi qeveritar për shtyp, MBPEU është angazhuar të formojë komisione që do të propozojnë zgjidhje rreth kërkesave të parashtruara për përcaktimin e dëmit të shkaktuar, nga ana e bartësve të ekonomive bujqësore apo organizatave të prodhuesve.
Në mbledhjen e Qeverisë ishte miratuar Informata për ratifikim të Marrëveshjes nga Parisi për ndryshimet klimatike, njofton AIM.
‘Bëhet fjalë për ratifikim të marrëveshjes që duhet të kontibujojë drejt mbrojtjes së mjedisit jetësor, për çka kishte filluar procedura, por nuk ishte realizuar, është sjellur vendim që MMJPH ta parashtojë në MPJ tekstin origjinal të Marrëveshjes nga Parisi, me propozim për ngritje të procedurës për ratifikim të Marrëveshjes së Parisit dhe arsyetim, më së voni në afat prej 15 ditëve’, ceket në kumtesë. /Telegrafi/