Forcat speciale britanike që operojnë në Libi, po “bombardojnë” pozicionet e Shtetit Islamik me muzikë të Bollywood-it, në mënyrë që t’i “mposhtin mendërisht”.
Britanikët dyshohet se kanë filluar të përdorin këtë taktikë, pasi ua kishte propozuar një pakistanez që punon në njësi, i cili është i bindur se do të ndikojë tek xhihadistët një lloj i kulturës që me çdo kusht ata e kundërshtojnë, transmeton Telegrafi.
Gjithashtu konsiderohet se ky lloj aksioni do ta bënte ISIS-it të ndihet sikur është duke humbur fuqinë në territorin e vet, duke pasur parasysh se kjo lloj muzike dhe kulture është e ndaluar në territoret që ata i kontrollojnë.
Raportohet se dy vetura janë parë afër territorit të kontrolluar nga ISIS, nga të cilët dëgjoheshin tinguj të muzikës indiane, që për qëllim kanë hutimin e xhihadistëve. /Telegrafi/