Benjamin Kololli ka vazhduar me formë të mirë në kampionatin zviceran.
Ylli i Përfaqësueses së Kosovës ishte titullar si gjithnjë për skuadrën e tij Lausanne në përballje me Luzernin 3-1.
Përpos paraqitjes fantastike gjatë 90 minutave, në fund lipjanasi shënoi edhe një gol.
Ishte minuta e 90+1 e ndeshjes kur anësori mori përgjegjësi për ekzekutimin e penalltisë.
Kololli ishte shumë i sigurt në ekzekutimin e penalltisë dhe shënoi në stilin ‘Panenka’ si dy ish futbollistët e mëdhenj Francesco Totti e Andrea Pirlo.
Goli ndaj Luzernit në javën e 15-të ishte i treti në këtë kampionat për Kolollin që ka bërë edhe një asistim.
Te Luzerni në këtë takim u aktivizuan dyshja nga Kosova, Hekuran Kryeziu dhe Shkëlqim Demhasaj gjatë 90 minutave.
Pas kësaj fitore Lausanne ngritët në pozitën e gjashtë në tabelë me 19 pikë ndërsa Luzerni mbetet në të nëntën me pesë pikë më pak. /Telegrafi/
