Por sipas KEK-ut, furnizimi me energji elektrike për kategorinë A planifikohet të jetë 2:4 ne favor të territ ndërsa kategoritë B dhe C furnizimin do ta kenë sipas orarit 1:5.
Sipas zyrtarëve të KEK-ut, ekipet e mirëmbajtjes së KEK-ut kanë filluar punët për sanimin e dëmit të paraqitur dhe sipas parashikimeve të para ky bllok mund të kthehet në punë nesër në orët e vona të mbrëmjes.
KEK-u ndërkaq ka arritur marrëveshje me Korporatën Energjetike Shqiptare për shkëmbimin e 50 megavatëve gjatë ditës së sotme. Në të njëjtën kohë, KEK-u ka filluar me punë për kthimin në operim të bllokut A3 të TC “Kosova A”, i cili ka qenë i paraparë të kthehet në punë më 1 shtator 2008.
Ky bllok prodhon 130 megavat orë energji dhe i njëjti pritet të jetë në funksion sonte në orët e vona të mbrëmjes.
“Korporata Energjetike e Kosovës sh.a, njoftoi publikun që sot, sistemi energjetik i Kosovës është duke u varur nga puna e bllokut B2 që është duke prodhuar rreth 270 megavat orë energji dhe HC “Ujëmani” që gjatë pikut prodhon 32 megavat orë”, thuhet në komunikatën e KEK-ut.
Furnizimi me energji elektrike pritet të fillojë të stabilizohet në orët e vona gjatë natës së sotme, përderisa stabilizimi i plotë i sistemit energjetik do të bëhet vetëm me kthimin në operim të bllokut B1 të TC “Kosova B”, nesër në mbrëmje. /Telegrafi/