Mesfushori i Atletico Madridi, Koke, ka folur rreth futbollistëve që i ka pëlqyer sa ishte i ri dhe kur filloi te rritet.
Koke është duke zhvilluar tash e disa sezone në nivele të larta me skuadrën spanjolle.
Kjo ka bërë që interesimi për shërbimet e tij të jetë i madh nga Spanja dhe skuadra tjera të mëdha evropiane.
Janë disa futbollistë të mëdhenj me emër, ata të cilët ishin të pëlqyerit e mesfushorit spanjoll para se të bëhet një futbollist i kastit botëror.
“Kur isha një djalë i ri, me të vërtetë më pëlqente Juninho në Atletico”, ka deklaruar fillimisht Koke.
“Kur fillova të bëhem më i vjetër, Xavi dhe Iniesta ishin lojtarët që më pëlqenin mua”, përfundoi mesfushori i Atletico.
Ndryshe, Koke tash e sa kohë po përflitet si një transferim i mundshëm i Barcelonës, pasi katalunasit e shohin si zëvendësues të Andres Iniestas. /Telegrafi/