Kobe Bryant ka vendosur t’i japë fund debatit shumëvjeçar lidhur me legjendat e NBA-së për atë se cili është ‘GOAT’ (më i madhi i të gjitha kohërave).
Gjatë pjesëmarrjes në emisionin Late Late Show with James Corden, ikona e LA Lakers është dashur t’i përgjigjet pyetjes së vështirë, ndërsa obligohej të ishte i sinqertë në atë që thoshte.
Corden ka kërkuar nga Bryant që ta renditë veten, LeBron Jamesin dhe Michael Jordanin, nga më i miri te më i keqi.
We made @KobeBryant choose between eating a cow tongue OR ranking himself, @KingJames and Michael Jordan from best to worst 😬 pic.twitter.com/ktKDemDlQf
— The Late Late Show with James Corden (@latelateshow) March 27, 2019
40-vjeçari fillimisht tha se nuk do të përgjigjej, mirëpo nikoqiri i emisionit insistoi që ish-basketbollisti ta bënte renditjen e këtyre tre basketbollistëve të mëdhenj.
“Në rregull. Unë jam më i miri. Michael është i dyti më i miri, LeBron është i treti më i miri”, deklaroi Bryant dhe kjo nxiti brohoritje te publiku. /Telegrafi/