Këshilli për Mbrojtjen e të Drejtave dhe Lirive të Njeriut (KMLDNJ) e ka lavdëruar protestën e organizuar nga dy partitë opozitare, AAK dhe NISMA për Kosovën.
Sipas KMLDNJ-së, në protestën e sotme morën pjesë mes 20-25 mijë protestues.
“Protestë paqësore dhe e organizuar mirë ! AAK dhe Nisma organizuan një protestë kundër marrëveshjeve për Demarkacionin dhe Asociacionin. Sipas KMDLNj-së në protestë ishin midis 20000 dhe 25000 protestues. Protesta ishte e dinjitetshme , e organizuar mirë dhe përfundoi ashtu siç kishte planifikuar organizatori”, thuhet në komunikatën e KMLDNJ-së, duke shtuar se Policia nuk pati shumë angazhime falë disiplinës së protestuesve. /Telegrafi/