Këshilli për Mbrojtjen e të Drejtave e të Lirive të Njeriut (KMDLNJ) ka reaguar ndaj një vendimi të ri të komunës së Prishtinës për zgjatjen e kohës me pagesë të parkingut në Zonën Qendër deri ora 23.00.
Ndërsa, para këtij vendimi, kohëzgjatja e parkingut ishte deri në ora 19.00.
Medje KMDLNJ për këtë vendim, kryetarin e Prishtinës e ka quajtur “Përparim Ramë Parkingu”.
“Komuna e Prishtinës nga sot ka marrë vendim që në Zonën Qendër ta zgjatë kohën për pagesë të parkingut deri në ora 23.00 ndërsa më parë ishte deri në ora 19.00. Këtë vendim e ka marrë ditën e diel, ditë pushimi me arsyetimin se këtë po e bënë për shkak të banorëve të kësaj Lagje në ndërkohë që i gjobitë bizneset dhe banorët jorezidentë që i paguajnë të gjitha taksat e komunës së Prishtinës”.
“Se arsyetimi është i pasinqertë tregon fakti se edhe banorët e Lagjes nuk e kanë parkingun e siguruar në mjedisin ku jetojnë për dallim të shteteve dhe vendeve që çdo banori i sigurojnë parkingun duke e shënjuar me numër ku askush tjetër nuk mund ta parkojë veturën”, thuhet në reagimin e KMDLNJ.