Trajnerët profesionistë spanjollë nga klubi Agrupacion Deportiva Alcorcón, dop të jenë prezent në Kosovë nga 9 deri me 15 korrik.
Ata do të testojnë lojtarë nga mosha 6 deri në 19 vjeç.
Qëllimi i organizimit është zbulimi i talenteve të rinj, mësimi i elementeve tekniko-taktike, përgatitja mentale dhe fizike, të ushqyerit dhe përgatitja e strategjisë për lojë.
Dy talentët e përzgjedhur nga kampi do t’iu ofrohen bursa 100% falas për qëndrim 4 javor në akademinë e klubit në Madrid, Spanjë.
Bursa përfshin qëndrimin, ushqimin dhe fjetjen tek qendra e klubit.
Kampi do të mbahet në fushën e sapo rinovuar me bari sintetik ekologjik në Lipjan e cila i plotëson të gjitha standardet.
KRYETRAJNERI I SELEKSIONIMIT:
Juanjo SAN ROMAN është produkt i F.C. Atletico Madrid ku i kaloi 10 vite si futbollist.
Pas përfundimit të karrierës si futbollist, u kthye tek klubi amë ku e mësoi zejën e trajnerit në Atletico Madrid dhe punoi për 5 vite si trajner në stërvitjen e grupmoshave të ndryshme.
Përkushtimi dhe pasioni i tij për futbollin u vërejt nga zyrtarë të Real Madridit të cilët e angazhuan si Drejtor Teknik për Akademitë e Realit në Lindje të Mesme (Oman, Emiratet e Bashkuara Arabe) dhe në Afrikën Lindore.
2015-2016: Pas një periudhe të suksesshme në arenën ndërkombëtare në akademi futbolli për zbulimin e talentëve, ai u kthye këtë sezon në Spanjë ku e ushtroi pozitën e kryetrajnerit tek F.C. Guadalajara “B” duke e korrur një sukses historik në këtë klub në ngritjen në një divizion më lart.
2016-2017: Zbulues i talentëve (Skout) i Real Madridit
2015 deri më sot: Drejtor teknik i programit për përsosje të teknikës “Coerver” për Spanjë dhe përgjegjës për “Coerver” në qytetin e Las Palmas.
2017 deri më sot: Kordinator i trajnerëve të futbollit themelor në klubin futbollistik A.D. Alcorcón.