Vëmendje të madhe sot tërhoqën çorapet e veshura nga portieri i Manchester City, Ederson Moraes në ndeshjen kundër Crystal Palace.
Qytetarët fituan 1-0 si mysafir i Crystal Palace dhe tani janë dy pikë diferencën ndaj liderit Arsenal. Megjithatë, ndeshja e sotme nuk ishte pa probleme.
Edhe pse Ederson mbajti rrjetën e tij, në fund Man City mezi arriti të fitojë me golin e Erling Haaland nga pika e bardhë në fund.
Por një detaj tërhoqi shumë vëmendje në rrjetet sociale. Tifozët vunë re se Ederson ka devijuar nga kombinimi i tij i zakonshëm dhe ka veshur çorapet e klubit kundërshtar. Arsyeja është paksa e çuditshme.
Ederson was wearing Crystal Palace socks for the game. pic.twitter.com/HAQY70lFBi
— Barstool Football (@StoolFootball) March 11, 2023
Gjegjësisht, çorapet e Edersonit, të cilat ai kishte planifikuar t’i vishte në këtë ndeshje, ishin në të njëjtën ngjyrë me fanellën vendase të Crystal Palace sot.
Sipas rregullores, ai duhej të vishte një ngjyrë të ndryshme nga ajo që kishin veshur lojtarët e skuadrës kundërshtare.
Kështu, Ederson e gjeti veten në telashe dhe iu desh të merrte hua nga Palace, të cilët i dhanë atij një palë.
Ndonëse është një nga klubet më të pasura dhe më të organizuara, Man City me këtë gjest tregoi se edhe në një ambient të tillë nuk mendojnë realisht për gjithçka para ndeshjes. /Telegrafi/