Federata e Futbollit të Anglisë ka marrë një vendim befasues në kuadër të FA Cup, duke përjashtuar një ekip nga gara.
Skuadra që luan në ligën e tretë, Barnsley është përjashtuar nga trofeu i dytë më i madh në Angli për shkak të parregullsive në regjistrimin e një lojtari që u shfaq në ndeshjen e raundit të parë kundër Horsham.
Një lojtar i cili nuk ishte regjistruar saktë u paraqit për Barnsley në fitoren 3-0 në ndeshjen e raundit të parë kundër Horsham.
Barnsley u deklarua fajtor duke kërkuar falje për lëshimin.
“Dëshirojmë t’u kërkojmë falje tifozëve, lojtarëve dhe stafit tonë për këtë gabim fatkeq”, thuhet në një deklaratë nga klubi i nivelit të tretë. As klubi dhe as federata nuk kanë bërë të ditur identitetin e lojtarit për të cilin klubi është gjobitur.
Vendimi për të përjashtuar Barnsley shkaktoi entuziazëm në kampin e divizionit të shtatë Horsham, i cili do të luajë në raundin e dytë të FA Cup vetëm për herë të dytë në historinë e tyre dhe kundërshtari i tyre do të jetë Sutton United nga divizioni i katërt. Horsham humbi 6-2 nga Swansea City në raundin e dytë të FA Cup 2007. /Telegrafi/