Sipas të dhënave që i publikoi kompania për hulumtim të tregut "Sport und Market, listën prej 18 ekipeve të bundesligës do ta kryesojë Baerni i Munihut, i cili këtë sezon nga reklamat në fanellat e tij do të inkasojë madje 20 milionë euro.
Përfitimi i klubeve angleze nga ky lloj i sponsorimit rrënjësisht ka rënë për shkak të rënies së vlerës së funtës. Klubet e premierligës këtë sezon nga reklamat në fanellat gjithsej do të përfitojnë 85.5 milionë euro.
Baerni i Munihut kryeson edhe në korniza evropiane, ndërsa në fanellat e futbollistëve gjendet llogoja T-Hom.
Vijon Mançester Junajted, i cili këtë sezon të futbollit nga reklamimi i kompanisë amerikane të sigurimit AIG do të inkasojë 17.7 milionë euro.
Në vendin e tretë është Reali i Madridit, i cili nga internet bastorja Bvin do të përfitojë 15 milionë euro.
Çelsi i Londrës nga reklamimi i Samsung-ut do të inkasojë 12.6 milionë euro, ndërsa më pas vijojnë Milani (Bvin) dhe Shalke 04 ku reklamon gjigantin energjetik rus Gasprom për 12 milionë euro.