Është regjistruar momenti dramatik, kur një kloun i ‘pushtuar’ ka lëvizur çuditshëm, derisa ndodhej në tavolinën e një muzeu në Nottingham të Anglisë.
Sipas mirëmbajtësve, kjo nuk është hera e parë që kukulla bën lëvizje të ndryshme, ndërsa aktivitetin paranormal, e lidhin edhe me një legjendë urbane, transmeton Telegrafi.
Historia thotë se klouni i përkiste një fëmije, fantazma e së cilit nuk ka dëshirë t’ia prekin lodrat dhe sapo i jepet mundësia, i kthen ato në pozitën e dëshiruar.
Njëjtë ka ndodhur edhe herën e fundit, kur një pastrues e preku kukullën dhe pas pak momentesh, është kthyer sërish për 90 shkallë, në formën si ishte më herët.
Njohësit e aktiviteteve paranormale po e vizitojnë shpesh muzeun, në përpjekje ta zënë atë teksa i lëvizë gjërat, por pos një videoje nga kamerat e sigurisë, nuk është gjetur ndonjë provë tjetër. /Telegrafi/
