Karolina Pliskova e ka eliminuar Serena Williams në gjysmëfinale të US Open.
Në këtë mënyrë, tenistja çeke është kualifikuar në finale duke i dhënë fund sundimit të tenistes numër një në botë.
Amerikania 34-vjeçare i humbi të dyja setet (2-6, 6-7), ashtu që humbi edhe shansin për të vënë një tjetër rekord (të fitonte trofeun e 23-të të madh).
Në finale Pliskova do të ndeshet me gjermanen, Angelique Kerber, ndërsa kjo e fundit pritet t’ia rrëmbejë vendin e parë Serenas në renditje.
“Karolina ishte e shkëlqyeshme sot”, deklaroi Williams pas humbjes duke treguar se kishte pasur problem me gjurin e majtë që nga fillimi i turneut. /Telegrafi/