Real Madridi është kualifikuar në finale të Ligës së Kampionëve duke eliminuar Atletico Madridin falë ndeshjes së parë.
Takimi i zhvilluar në Santiago Bernabeu përfundoi me rezultat 3-0 për Los Blancos, ndërsa ndeshja kthyese në Vicente Calderon përfundoi me fitoren e Los Rojiblancos me rezultat 2-1, ashtu që Mbretërit shkojnë në finale me rezultat të përgjithshëm prej 4-2.
Vendasit e nisën furishëm ndeshjen duke u dhënë shpresë tifozëve me një gol të hershëm nga Saul Niguez me kokë pas një harkimi nga këndi (12’).
Nuk kaluan shumë minuta dhe u akordua penalti në favor të Atleticos, të cilën e konvertoi në gol Antoine Griezmann (16’).
Mirëpo, pas një superdepërtimi, Karim Benzema pasoi te Toni Kroos, goditja e të cilit u ndal nga Jan Oblak, mirëpo Isco ishte aty për ta dërguar në rrjetë (42’).
Goli i Realit ua uli motivin lojtarëve të Atleticos pasi duhej t’i shënonin tre gola të tjerë për t’u kualifikuar. Ndërsa përkundër rasteve dhe angazhimit deri në fund, nuk u panë gola të tjerë.
Në finalen e 3 qershorit në Cardiff, Real Madridi do të luajë kundër Juventusit që në gjysmëfinale e eliminoi Monacon. /Telegrafi/
https://twitter.com/SportLightHQ/status/862381697173782529
https://twitter.com/Zac_TW/status/862382451972345857
https://twitter.com/FutboleHinchas/status/862389485866295299