Real Madridi e ka eliminuar Romën për t’u kualifikuar në çerekfinale të Ligës së Kampionëve.
Në ndeshjen e parë të 1/8 së finales të zhvilluar në Stadio Olimpico, Los Blancos fituan me rezultat 2-0 dhe pas triumfit edhe në Santiago Bernabeu, ata vazhdojnë tutje me rezultat të përgjithshëm prej 4-0.
Gjysma e parë nuk prodhoi gola, por kjo nuk do të thotë se munguan rastet. Ishte pikërisht skuadra mysafire që i pati shanset më të mira, duke qenë se kërkonte përmbysjen e rezultatit nga sfida e parë.
Rastet më të mira i patën Edin Dzeko dhe Mohamed Salah, mirëpo ata dështuan të shënonin përballë portierit Navas.
Edhe në fraksionin e dytë, Giallorossët patën shanse të shënonin, mirëpo nuk u treguan efektivë në shanset e tyre, ashtu që erdhi ndëshkimi.
Menjëherë pasi hyri në lojë, Lucas Vazquez pranoi një top nga Modric, depërtoi në zonë dhe asistoi te Cristiano Ronaldo, i cili e futi topin në rrjet 64’.
Kaluan vetëm katër minuta dhe erdhi goli i dytë. CR7 kësaj radhe në rolin e asistuesit, ndërsa James Rodriguez ia futi topin nën këmbë Szczesnyt (68’).
Raste pati edhe në minutat e mbetura, por Reali i shpërdoroi shumë raste të tjera shënimi. Derisa Roma e goditi shtyllën. /Telegrafi/
1-0: Cristiano Ronaldo i jep Real Madridit epërsinë ndaj Romës.
Posted by Telegrafi Sport on Tuesday, 8 March 2016
2-0: Cristiano Ronaldo asiston dhe James Rodriguez shënon ndaj AS Roma.
Posted by Telegrafi Sport on Tuesday, 8 March 2016