Fërkimet brenda partive në koalicionin ”Aleanca për shqiptarët” ka shkaktuar edhe ngritje të dilemave në mes shqiptarëve në Maqedoni se pse disa parti nuk mund të bashkëpunojnë në mes vete për qëllime të përbashkëta.
Ziadin Sela, lideri i LR-PDSH-së në emisionin Click Plus në TV21 ka treguar të vërtetën e tij rreth këtij bashkëpunimi që u ngjiz para zgjedhjeve të 11 dhjetorit të vitit të kaluar.
Sela mes tjerash ka thënë se Vesel Memedi nga RDK nuk ka qenë shkaktari që ka penguar bashkëpunimin me Lëvizjen Besa para zgjedhjeve, pasi sipas Selës, këtë gjë nuk ka mundur ta bëjë Memedi në kokën e tij pa mos e ditur edhe partitë tjera të Aleancës, shkruan Telegrafi Maqedoni.
Deklaratat e Memedit, Sela i ka quajtur si të ngutshme.
Sela ka treguar se ka pasur edhe më herët bisedime mes LR-PDSH-së, RDK-së dhe UNITETIT për të shkrirë partinë në një ombrellë që do të quhej Aleanca për shqiptarët.
Shkrirjen e partive, Sela e ka cilësuar si mendësi e mirë që së bashku të ju ndihmohen shqiptarëve në përgjithësi. /Telegrafi/
