Eh, Zvicra… Shtet i mrekullueshëm me male të bukura, çokollatë të shijshme dhe me ligje të çuditshme.
Në këto ligje të çuditshme specifikohet edhe minimumi i numrit të kafshëve shtëpiake të cilat lejohet t’i keni. P.sh., është ilegale në Zvicër të zotëroni më pak se dy peshq të artë, transmeton Telegrafi.
Por, a janë peshqit e artë aq inteligjentë sa të dëshirojnë një partner? Në fakt, ata duket se janë shumë më të mençur sesa që mendojmë ne. Kujtesa e tyre me jetëgjatësi tre-sekondëshe mund t’i rikujtojë edhe informacionet mbi pesë muaj.
Dhe, kjo inteligjencë shtrihet edhe te vetëdija emocionale, që do të thotë se një peshk i artë do të ndihet i vetmuar.
Një studim i fundit ka zbuluar peshqit që mbahen brenda shtëpisë janë lloji i tretë më i famshëm i kafshëve shtëpiake në Britani të Madhe, pas qenve dhe maceve, ku 8 për qind e popullit thuhet se mban peshq të tillë.
Peshqit e artë janë krijesa të shoqërueshme. Pas së gjithash, në egërsi, ata lëvizin dhe jetojnë në cekëtina të mëdha.
Sipas RSPCA, ata mund të shihen duke komunikuar rregullisht me njëri-tjetrin kur janë në grupe. Pra, rekomandohet që të mbani të paktën dy peshq të tillë brenda një akuariumi, në mënyrë që ata të kenë shoqëri dhe të mos ndjehen të vetmuar. /Telegrafi/