Prezantuesi i njohur Labinot Gashi ka qenë kryetemë e mediave së fundmi, dhe kjo për shkak të largimit të tij nga Radio Televisioni 21, media në të cilën punoi për 17 vite.
Me anë të një statusi në Facebook, Labi bëri të ditur se është ndarë i kënaqur me punën e tij në këto 17 vite, dhe se për gjithë këto vite nuk i ka kërkuar askujt favore, por çdo promovim e ka bërë me vullnet të madh.
Por, shumë persona kanë shprehur kureshtjen se pse ndodhi ky largim kaq i menjëhershëm nga televizioni, ndonëse siç thotë Labi, vendimi i tij nuk ka qenë aspak i ngutshëm.
Sipas disa burimeve mësohet se arsyeja e largimit të moderatorit Labi mund të ketë qenë paga e vogël në këtë television.
Emisioni “1 kafe me Labin” i ka sjell fitime kogja të mira RTV 21, por pavarësisht kësaj paga që Labi e merrte ishte shumë simbolike.
Tani më ai do të shpërngulet në Gjermani, ku do të fillojë një projekt të ri televiziv, kësaj radhe në një televizion gjerman. /Telegrafi/