Donald Trump ka ‘një armë të fshehtë’ që do t’i ndihmojë të triumfoj në raport me Kinën, e ajo është mbesa e tij, Arabella.
E bija pesëvjeçare e Ivanka Trump, është filmuar gjatë muajit shkurt duke recituar një poezi kineze që është postuar në profilin zyrtar të bijës së presidentit të ri amerikan, transmeton Telegrafi.
Por që kur Trump fitoi zgjedhjet presidenciale në Shtetet e Bashkuara, videoja është shpërndarë në masë të madhe në mediat sociale.
Sipas medieve amerikane, Arrabella ka studiuar gjuhën Putonghua (ndryshe e njohur si gjuha standarde kineze ose moderne mandarine).
Kjo video po konsiderohet si lëvizje e mençur nga ana e Trump, për të fituar zemrat e 1.3 miliardë kinezëve. /Telegrafi/
