ISIS ka publikuar disa pamje në të cilat pretendohet se tregohet një djalë adoleshent duke u hedhur në erë gjatë një sulmi me bombë vetëvrasëse pranë qytetit lindor Deir Ezzor, Siri.
Sipas asaj që shkruajnë mediat e huaja, përcjell Telegrafi, një luftëtar i rritur i ISIS-it duket se i tregon djalit se si të ngasë një automjet të ngarkuar me eksploziv, para se ta dërgonte atë drejt vdekjes.
Luftëtarët e ISIS-it në Deir Ezzor aktualisht janë nën sulm nga forcat qeveritare siriane të mbështetura nga Rusia, që besohet se janë objektivat e sulmit në foto.
Në fotografi, fytyra e të riut nuk tregon asnjë emocion, duke treguar se ai ishte droguar.
Siç thuhet më tej, për tu siguruar që rekrutët e tyre të ngurrojnë të japin të gjithën në betejë, ISIS i bën ata të marrin drogë.
“Kjo drogë ju bën të humbni mendjen,… Nëse ata ju japin një rrip vetëvrasës dhe ju thonë që të hidhni veten në erë, do ta bëni”, kishte thënë një luftëtar 15 vjeçar i cili e braktisi ISIS-in në vitin 2014.
Siç shtohet më tej, pamjet e bëra nga droni tregojnë automjetet ushtarake siriane në shkretëtirë, përpara se të shfaqet një shpërthim i madh – që thuhet se është shkaktuar nga djali. /Telegrafi/