Një djalë i vogël është goditur nga rrufeja, derisa kishte shkuar që të kënaqet në një nga plazhet e shumta të Australisë.
Djaloshi që besohet të jetë 8-vjeçar, u godit nga rrufeja në Barrack Point të Shellharbour, transmeton Telegrafi.
Në videon e publikuar më poshtë, shihet djaloshi duke u futur në ujë me prindërit dhe vëllain e vogël. Pak momente më pas e godet rrufeja dhe ai menjëherë bie në ujë pavetë3dije.
Mediat australiane raportojnë se bëhet fjalë për një anglez, që me familjen e tij kishte shkuar për pushime në Australi.
Ai është dërguar me urgjencë në spitalin e fëmijët në Westmead dhe gjendja e tij shëndetësore është kritike.
Atë e kishin nxjerrë nga uji ekipet e shpëtimit, pasi që prindërit frikësoheshin se gjatë transportimit mund t’ia përkeqësojnë edhe më shumë gjendjen shëndetësore. /Telegrafi/
