Një elefant është shpëtuar pas një operacioni 14-orësh pasi ra në një pus në Indi.
Sipas mediave të huaja, përcjell Telegrafi, pamjet video tregojnë stafin e shpëtimit dhe fshatarët në Indinë jugore duke ngritur elefantin nga fundi i një pusi të thellë rreth 15 metra më 20 nëntor.
Një ekip prej 50 vetash e ngritën atë duke përdorur një vinç dhe rripa dhe e vendosën të sigurt në tokë.
Siç thuhet më tej, ka qenë një fermer në rrethin Dharmapuri të Tamil Nadu që dëgjoi “thirrjet” e kafshës në pus më 19 nëntor dhe lajmëroi autoritetet lokale.
Pavarësisht nga thellësia e pusit, uji brenda ishte i cekët dhe ishte nxjerrë për ta bërë më të lehtë “qasjen” në elefantin.
Ekipi i shpëtimit kontrolloi elefantin dhe tha se ishte i shëndetshëm para se ai të qetësohej nga një veteriner. /Telegrafi/
