Një burrë me armë është parë duke protestuar pranë shtëpisë së presidentit Joe Biden në Wilmington, Delaware të dielën.
Sipas mediave të huaja, përcjell Telegrafi, burri, i veshur me një jelek sigurie të verdhë dhe portokalli, mbante një tabelë ku shkruhej në njërën anë, “Bidenët janë kriminelë,…”.
Demonstruesi eci pranë grupit të gazetarëve të caktuar për të mbuluar presidentin dhe eci në rrugën drejt shtëpisë së presidentit, me një automjet të Shërbimit Sekret që i shkonte pas.
Presidenti mbërriti në Wilmington të premten në mbrëmje dhe do të ndalet për pak kohë në Shtëpinë e Bardhë të dielën pasdite përpara se të udhëtojë në qytetin e Nju Jorkut për një seri mbledhjesh fondesh dhe për të marrë pjesë në Asamblenë e Përgjithshme të OKB-së. /Telegrafi/