Policia e Çikagos ka bërë publike pamjet e filmuara nga kamerat e trupit të efektivëve, gjatë një operacioni që përfundoi me ekzekutimin e personit të dyshuar.
Pamjet e filmuara më 8 korrik të këtij viti, shfajësojnë efektivët për vrasjen e 42-vjeçarit Luis Vasquez.
Ky i fundit dyshohej se kishte marrë peng një burrë dhe një grua, të cilët ishin arratisur nga banesa e 42-vjeçarit në momentin që atë e kishte zënë gjumi.
Pasi shpëtuan ata njoftuan policinë, e cila mbërriti në banesën e Vasquez dhe gjatë tentativës për ta arrestuar e kanë qëlluar për vdekje, përcjell gsh.
Në pamje dallohet momenti kur efektivët hyjnë në dhomën ku ndodhej 42-vjeçari, i cili ishte në gjumë.
Por në momentin që ai ka parë policët ka tentuar të rrëmbejë armën, e ta drejtojë nga ta, por këta të fundit të kërcënuar nga gjesti e kanë qëlluar për vdekje.
