Një burrë që frikësohej jashtëzakonisht shumë nga lartësia dhe kishte fobi vetëm kur dikush përmendke rrokaqiejt – ka vendosur që në një mënyrë të veçantë të ballafaqohet me “armikun” e tij të vetëm.
Familjarët e kishin dërguar në një qendër gjigante me lodra, ku në një tobogan e ngritën në 10 metra lartësi derisa qëndronte i varur në një litar, dhe nga çasti në çast priste që të lëshohet poshtë, transmeton Telegrafi.
Jaylen Muprh dëgjohet duke bërtitur me tërë forcën derisa qëndronte në 10 metra lartësi, dhe mezi e bindën familjarët që të lëshoj litarin që e mbante lart.
Megjithatë në një moment ky burrë nga Arkansasi gjen forcë dhe fillon të bie me shpejtësi nga tobogani – për të përfunduar në një dyshek të butë.
Në një moment familjarët tallen me të duke i thënë se duhet ta bëjë edhe dy herë tjera – por ai reagon menjëherë duke thënë, “jo”. /Telegrafi/
