Tërmetet shkatërruese që goditën të hënën e kaluar Turqinë dhe Sirinë, ua morën jetën dhjetëra mijëra njerëzve.
Pamjet rrëqethëse të shkatërrimit të ndërtesave janë shumë prekëse, kurse një video nga një fshat i rrezikuar nga tërmeti, tregon se në një fatkeqësi të tillë të gjithë gjejnë një mënyrë për të ndihmuar, transmeton Telegrafi.
Kolona e veturave që po shkonte për në fshatin e mbuluar me borë Ajanburn pranë qytetit të goditur rëndë Kahranmaras, u dërgua në destinacion nga një qen.
Ekipi i shpëtimit që regjistroi videon e publikuar më poshtë ka njoftuar se kishin humbur rrugën, por që ishte një qenë që i udhëzoi drejt tij.
“Kur nuk gjetëm rrugën, ndoqëm qenin. Na solli në fshat”, thuhet përbri videos së publikuar nga ky ekip i shpëtimit. /Telegrafi/
Kahramanmaraş’ta yardım konvoyunu gören bir köpeğin yaptığı şey yürekleri ısıttı. Köpek, ekiplere Ayanburnu köyüne kadar rehberlik etti. O anları görüntüleyen ekipler, "Biz de yolu bulamayınca köpeği takip etmeye başladık. O da bizi köye getirdi’’ ifadelerini kullandı.#deprem pic.twitter.com/GIoTIQJn51
— Kirpi ve Kobra (@kirpivekobra) February 12, 2023