Një familje që ishte ulur në oborrin e shtëpisë dhe po festonte 4 korrikun – ditën e pavarësisë së Shteteve të Bashkuara, u detyrua të futen në shtëpi me urgjencë kur një pako e tërë me fishekzjarrë shpërtheu dhe tërë lagjia u përfshi nga zjarri.
Kamerat e sigurisë kanë kapur momentin kur familja që po festonte, bën të pamundurën për t’i futur fëmijët në shtëpi në sekondat e fundit, para se e tërë lagjia të përfshihej nga zjarri, transmeton Telegrafi.
Videoja deri më tani ka marrë dhjetëra milionë shikime, kurse një fëmijë që dukej se po argëtohej kur shpërthen një fishekzjarr, në sekondat e fundit shpëtohet – para se e tërë kutia me mjete piroteknike të përfshihet nga zjarri.
Për fat të mirë askush nuk është lënduar, ndërsa videoja është shpërndarë me qëllim që të rritet vetëdija dhe të jenë më të kujdesshëm kur festojnë me mjete piroteknike.
Madje shumë përdorues të rrjeteve sociale, kanë kritikuar kryefamiljarin që lejoi që një gjë e tillë të ndodhë para syve të tij – madje shumë prej anëtarëve të familjes kanë mundur ta pësojnë shumë keq. /Telegrafi/
