Tre persona kanë vdekur pasi një aeroplan me ujë i cili po luftonte me zjarret në Australi u rrëzua në Uellsin e Ri Jugor.
Sipas mediave të huaja, përcjell Telegrafi, ka qenë Shërbimi Zjarrit Rural i Uellsit të Ri Jugor që ka konfirmuar vdekjen e tyre në mediat sociale këtë mëngjes.
Të tre anëtarët në bordin e “cisternës ajrore” C-130 Hercules vdiqën në përplasje pasi aeroplani humbi kontaktin në rajonin Snowy Monaro të shtetit australian, dy orë në jug të kryeqytetit, Canberra.
Tre anëtarët e ekuipazhit nuk janë identifikuar, por zyrtarët thanë se ata ishin banorë të SHBA-së.
Më herët shërbimi zjarrfikës ka thënë se një numër helikopterësh po kërkonin për aeroplanin e rrëzuar.
Shërbimi i zjarrfikësve tha që ekuipazhi amerikan ishte kontraktuar me Australinë për të ndihmuar në luftimin e zjarreve gjatë sezonit më të keq të vendit.
Më shumë se 80 flakë janë ende të “trazuara” nëpër NSW mes një kthimi të temperaturave të larta dhe erërave të forta.
Ishte e paqartë se çfarë e kishte shkaktuar aeroplanin të rrëzohej, tha Komisioneri Shane Fitzsimmons. /Telegrafi/
S