Kisha ortodokse e Maqedonisë shpreh shqetësim për gjuhën maqedonase dhe për situatën aktuale në të cilën gjendet komuniteti maqedonas. Njëkohësisht nga ky institucion fetar bëjnë thirrje për bashkim vëllazëror dhe respekt të ndërsjellë, shkruan Telegrafi Maqedoni.
”Të tashmen dhe të ardhmen e Maqedonisë e shohim nëpërmjet ruajtjes së unitetit dhe karakterit vëllazëror të Maqedonisë. Shoqëria jonë në Maqedoni duhet të udhëhiqet nga vlerat evangjelistike dhe Kristiane. Interesat e Maqedonisë mund të ruhen vetëm nëpërmjet vlerave dhe përgjegjësive tona, të secilit prej neve, duke ndjekur rrugën e Zotit.” thonë nga Kisha ortodokse në Maqedoni. /Telegrafi/