Gëryerje të tokës, mjete ndërtimi dhe disa individë që kryejnë punime – këto janë pamjet që shihen në momentin kur Policia e Tetovës kreu kontroll në fshatin Toplicë – në hapësirat e një kishe
Kontrolli i policisë erdhi pas denoncimit nga inspektori i urbanizmit të Komunës së Vrapçishtit, i cili pretendon se vendin në fjalë realizohen punë ndërtimore të jashtëligjshme – Kishë.
Banorët e Gostivarit, kanë qëndruar sot në hapësirat e Komunës së Vrapçishtit për të kërkuar takim me udhëheqësit, për siç thojnë presionin që u bëhet.
Sipas tyre, ata nuk janë duke bërë ndërtime ilegale, por vetëm po e pastrojnë hapësirën e Kishës.
Nga MPB për TV21 thonë se kanë kryer kontrolle në vendin ku ndodhet kisha.
“Ministria e Punëve të Brendshme, gjegjësisht Sektori për Punë të Brendshme Tetovë gjatë ditës së djeshme (09.09) duke vepruar pas denoncimit paraprak të lëshuar të dorëzuar në SPB Tetovë nga ana e inspektorit të urbanizmit në Komunën e Vrapçishtit, ka kryer kontroll në vendin e quajtur “Burimet e Ngrohta” (ndërmjet fshatrave Toplicë dhe Vrapçishtë) në vendin e Kishës “Sveta Petka”, ku siç thuhet, sipas denoncimi – janë duke u realizuar ndërtimet ilegale në Kishë”.
Gjatë kontrollit, nëpunësit policorë kanë kapur qytetarë të cilët kanë qenë duke e pastruar oborrin e kishës dhe rreth vetë objektit. Gjatë kësaj kësaj nuk është marrë asnjë mjet nga qytetarët, as është arrestuar ndokush. Për ngjarjen është njoftuar Prokuroria Publike Themelore kompetente”, thonë nga MPB-ja./TV21/