Këngëtarja shqiptare e cila po bën emër në tregun ndërkombëtar të muzikës, Ava Max, ka publikuar projektin e saj më të ri muzikor.
“Kings&Queens” titullohet kënga e saj e re, që përkthyer në shqip do të thotë “Mbretërit & Mbretëreshat”.
Kënga është ritmike dhe duket se është pjesë e albumit të saj të ri, të cilin Amanda Koci (emri i vërtetë i këngëtares) ka paralajmëruar se do ta publikojë së shpejti.
Lajmin për projektin e ri e bëri të ditur në rrjetet sociale, ndërsa u prit mirë dhe vetëm për një kohë të shkurtër kaloi shifrën e 55 mijë klikimeve në platformën YouTube.
Kënga u lansua edhe në Apple Music, Spotify, iTunes Store, Amazon Music, Pandora, SoundCloud dhe Deezer.
“Kings&Queens” është e disponueshme për publikun vetëm në versionin audio, gjersa është shoqëruar me një video tejet të veçantë.
![Ava Max - Kings & Queens [Official Visualizer]](https://i.ytimg.com/vi/RNx5f0snpK8/hqdefault.jpg)
Ava po vazhdon të korrë suksese të mëdha në tregun e huaj, e cila depërtoi vitin e kaluar me hitin “Sweet but Psycho”, i cili ka kaluar shifrën e mbi një miliardë dëgjimeve në mbarë botën, në mbarë platformat muzikore. /Telegrafi/