Mediat kineze kanë publikuar një video rrëqethëse, ku shfaqet një fëmijë që po luftonte për jetë në pishinë, derisa nëna që ishte pak centimetra larg ishte habitur duke luajtur në telefon.
Vogëlushja po festonte ditëlindjen së bashku me një djalë tjetër të vogël në një pishinë, por edhe pse që të dy i kishin në bel goma me ajër, vogëlushes në një moment iu rrokullis goma dhe filloi të lufton për jetë, transmeton Telegrafi.
Vogëlushi në disa momente shihet duke u munduar ta ndihmon, por pa ndonjë rezultat. Ndërkaq gjatë gjithë kësaj kohe nëna e saj po qëndronte afër pishinës duke mos e ditur se çfarë po ndodhte. E gjithë agonia ka zgjatur 90 sekonda.
Dhe kur më në fund e kuptoi që vajza po i mbytej, ajo vrapoi me shpejtësi për ta nxjerrë dhe menjëherë i telefonoi autoambulancës. Si rezultat i mungesës së oksigjenit ajo ka qëndruar një muaj në gjendje kome, dhe tani është plotësisht e varur nga aparati për frymëmarrje.
Nuk dihet nëse nëna e saj është duke u hetuar nga policia apo nëse është ndërmarrë ndonjë veprim kundër saj. /Telegrafi/
