Komisioni Nacional për Shëndetësi i Kinës, ka konfirmuar sot se virusi i ri koronavirus që ka shkaktuar ndezje të mushkërive, bartet tek njëri person në tjetrin dhe se deri më tani janë infektuar me të edhe anëtarë të stafit medicinal, raporton agjencia kineze Sinhua.
Siç raporton Reuters, Jong Nanshan, ekspert për sëmundje respiratore dhe njëherit shef i ekipit të komisionit për shëndetësi që po heton epideminë, ka konfirmuar se dy rastet e prekjes nga ky virus në provincën Guangdong është bartur nga njëri person tek tjetri, transmeton Telegrafi.
Në anën tjetër autoritetet kineze kanë konfirmuar se 217 raste me koronavirus janë regjistruar në territorin kinez, kurse rasti i parë ishte zbuluar në qytetin Vuhan në pjesën qendrore të vendit.
Deri më tani zyrtarisht është konfirmuar se ndezja e mushkërive nga ky virus ua ka marrë jetën katër personave. /Telegrafi/
