Site icon Telegrafi

Kinës i ndalet rritja

Kjo ka nxitur shqetësime te politikëbërësit, të cilët duhet të ndërmarrin më shumë masa mbështetëse pasi frika e një ngadalësimi më të madh krijon panik tek investitorët. Liderat Kinezë janë përpjekur të sigurojnë tregjet global se Pekini është i aftë të menaxhojë ekonominë e dytë më të madhe në botë.

Megjithatë, edhe vetë qeveria e pranon se ekonomisë po i kanoset një fazë ngadalësimi. Sipas një sondazhi nga Reuters drejt 50 ekonomistëve, rritja e Produktit të Brendshëm Bruto për Q3 ka gjasa të bjerë në 6.8%, poshtë 7% që ishte në tremujorin e dytë.

Kjo do të shënonte dhe ritmin më të ngadaltë që nga tremujori i parë i 2009-ës, ku u ngulit në 6.2%. Parashikimi më i lartë në sondazhe ishte në 7.2% dhe më i ulëti në 6.4, por investitorët mendojnë se niveli aktual i rrije mund të jetë shumë më i dobët seç sugjerojnë dhe të dhënat zyrtare.

Në vend që të qetësojnë tregjet financiarë, disa tregues të publikuar së fundmi mund të rrisin skepticizëm mbi të dhënat zyrtare Kineze. Megjithatë, disa ekonomistë besojnë se statistikat e qeverisë janë duke nënvlerësuar konsumin dhe rritjen e mirë të sektorit të shërbimit. Pavarësisht eksport/importeve të dobëta dhe mbikapacitetit industrial, rritja ekonomike vjetore qëndroi në 7% në gjysmën e parë, në linjë me objektivin e plotë të Pekinit. /Telegrafi/

Exit mobile version