Kina i ka prezantuar botës një video animacion, përmes të cilit mëton ta tregojë fuqinë ushtarake në veçanti me prezantimin e raketës hipersonike.
Kompania që merret me prodhimin e makinave të ndryshme luftarake për ushtrinë kineze, ka publikuar videon propaganduese që shfaq raketën e re të dizajnuar që kinse “lë në hije” sistemet mbrojtëse dhe që e cila ka kapacitete të montoj kokë bërthamore në të, transmeton Telegrafi.
Aty shihet se si videoja kinse kapacitete të shkatërrojë anijet e armikut, bazat ushtarake si dhe nëndetëset. Supozohet arma në video është raketa balistike Dongfeng-17 e cila lëviz me një shpejtësi hipersonike.
Kjo armë bërthamore e “pandalshme” sipas zyrtarëve kinezë, mund të lëviz me shpejtësi maksimale prej 12,360 kilometra në orë, që i bie 10 herë më shpejtë sesa shpejtësia e zërit dhe që mund të montohet në të koka bërthamore.
Videoja është publikuar nga CASC, kompani kjo që kontrollohet nga qeveria kineze dhe është kontraktori kryesor i këtyre raketave të shumëpërfolura. /Telegrafi/
