Lideri i Koresë së Veriut, Kim Jong-un ka vizituar fabrikën e prodhimeve kozmetike nën shoqërimin e gruas dhe motrës së tij.
Gjatë vizitës në fabrikë në Pyongyang, Kim Jong-un ka falënderuar prodhuesit, duke thënë se “janë përmbushur kërkesat që çdo femër të duket e bukur”, transmeton Telegrafi.
Por, në qendër të vëmendjes gjatë kësaj vizite të shumëpërfolur nuk ishte lideri, por motra e tij Kim Yo-jong dhe bashkëshortja Ri Sol-ju.
Kim Yo-Jong dhe Ri Sol-ju konsiderohen si femrat më me ndikim në vendin më të izoluar në botë. Që nga ardhja në pushtet e Kim Jong-un, ato shpesh e përcjellin në takime dhe vizita zyrtare, derisa pasardhëset e tyre rrallëherë janë parë në publik.
Ri, një ish-këngëtare është e njohur për shijen e saj për modën, që ka tre fëmijë me Kim Jong-un. Ndërkaq, motra e liderit të Koresë së Veriut, e cila këto ditë mbush 30 vjet, është anëtare e organit më të rëndësishëm të vendit.
Kim Jong-un dhe Kim Yo-jong janë fëmijët e liderit të ndjerë Kim Jong-il dhe valltares Ko Jong-hui.
Familja Kim udhëheq me Korenë e Veriut që nga viti 1948. /Telegrafi/
https://www.youtube.com/watch?v=bTiqamII-74