Udhëheqësi i Koresë së Veriut, Kim Jong-un, thuhet se ka thyer heshtjen e tij pas një periudhe të pretendimeve për shëndetin e tij – duke i dërguar një letër presidentit të Sirisë.
Mediat shtetërore në vend pretendojnë se Kim, për të cilin ishte pretenduar se ishte në rrezik të madh pas operacionit, i shkruajti sot presidentit të Sirisë, Bashar Al-Asad, shkruajnë mediat e huaja, përcjell Telegrafi.
Në mesazhin e tij, pretendon media shtetërore, Kim “shprehu falënderimet e tij të thella për presidentin për dërgimin e mesazhit të tij të përzemërt të përshëndetjes”.
Shkëmbimi, u tha, “pasqyron respektin e ngrohtë për Presidentin Kim Il-sung, i cili është gjithmonë i gjallë në zemrat e popullit të Koresë dhe progresistëve në botë, me rastin e 108-vjetorit të tij të lindjes”.
Ajo shton: “Duke shprehur besimin se lidhjet miqësore të Koresë së Veriut dhe Sirisë do të bëhen më të forta të vërteta për qëllimin fisnik të liderëve të mëparshëm dhe dëshirën e njerëzve të të dy vendeve”.
Spekulimet për shëndetin e Kim filluan së pari për shkak të mungesës së tij në përvjetorin e ditëlindjes së gjyshit të Kim, Kim Il-sung, më 15 prill.
Gjithashtu, Kim tani nuk është parë në publik për 10 ditë, duke nxitur frikën për gjendjen e shëndetit të tij gjatë një pandemie në mbarë botën.
Raportimi nga brenda Koreja e Veriut është jashtëzakonisht e vështirë pasi vendi ka kontrolle të rrepta mbi informacionin.
Zyrtarët e Koresë së Jugut dhe Kineze janë përpjekur të shpërndajnë thashethemet, duke hedhur dyshime që Kim Jonun është në gjendje të keqe shëndetësore. /Telegrafi/