Lideri i Koresë së Veriut, Kim Jong-un, vendit më të izoluar në botë, kishte vizituar dje Rusinë, ku u takua me presidentin Vladimir Putin.
Dyshja besohet se janë takuar për të diskutuar mundësinë e shitjes së armëve dhe municioneve, që do të përdoreshin në luftën në Ukrainë, transmeton Telegrafi.
E Shtetet e Bashkuara kanë paralajmëruar Korenë e Veriut, se nëser ndërmerr një veprim të tillë do të ballafaqohet me sanksione të ashpra.
Por ajo qfarë i bëri përshtypje më së shumti mediave gjatë këtij takimi, ishte interesimi i Kimit për veturën e presidentit rus.
Madje u afrua dhe e shikonte me zili, ndërsa në një moment edhe u fut brenda për një xhiro. E njëjtë kishte vepruar edhe gjatë takimit me ish-presidentin amerikan Donald Trump.
Megjithatë shërbimi sekret i Trump nuk e kishte lejuar të futet brenda për shkaqe sigurie, dhe se e kishte vështruar vetëm nga distanca limuzinën presidenciale që njihet si “Bisha”. /Telegrafi/
