Nicole Kidman dhe Keith Urban kanë vendosur të japin një donacion të madh për të ndihmuar në luftën kundër zjarreve në Australi.
Aktorja dhe bashkëshorti i saj kanë dhuruar 500.000 dollarë, donacion ky që do t’u jepet shërbimeve rurale të zjarrfikësve.
Deri më tani zjarret në Australi kanë shkaktuar vdekjen e 24 njerëzve, kanë ngordhur qindra miliona kafshë, ndërsa janë djegur mbi 1.500 shtëpi.
Edhe shtëpia e Kidman dhe Urban në Australi është në rrezik, mirëpo deri më tani nuk është kapluar nga zjarri.
Çifti ka thënë se e kanë bërë publik donacionin e tyre, në mënyrë që të rritin vetëdijesimin dhe t’i frymëzojnë të tjerët për të grumbulluar sa më shumë fonde. /Telegrafi/
